ក្ងានឆែក 
ពូជក្ងានបេតិកភណ្ឌនៃប្រទេសឆែក
ក្ងានឆែក
ក្ងានឆែក ជាពូជក្ងានតែមួយគត់ មានដើមកំណើតហ្នឹងសាធារណរដ្ឋឆែក។ វាត្រូវបន្តថែរក្សានៅទីនេះអស់រយៈពេលច្រើនសតវត្សមកហើយ។
បើប្រៀបធៀបជាមួយហ្នឹងពូជក្ងានផ្សេងៗ ក្ងានឆែកមានរូបរាងតូចបន្តិច ប៉ុន្តែរឹងមាំ ធន់ និងមិនរើសចំណីក្នុងការចិញ្ចឹម ក៏ដូចជាការបង្កាត់តពូជផងដែរ។ ក្ងានញីមានសភាវគតិល្អណាស់ក្នុងការភ្ញាស់កូន និងបង្កើនចំនួនកូនរបស់វា។
ស្លាបសត្វក្ងាន មានគុណភាពខ្ពស់ ផ្ដល់នូវភាពស្រួលប្រើក្នុងកម្រិតខ្ពស់ បើធៀបហ្នឹងប្រភេទស្លាបសត្វដទៃ។ ជាច្រើនសតវត្ស វាជាវត្ថុធាតុដើមដ៏មានតម្លៃសម្រាប់ធ្វើខ្នើយ។
ក្ងានឆែក ជាពូជសត្វសមស្របពិសេស សម្រាប់ការចិញ្ចឹមលក្ខណៈគ្រួសារ ក៏ដូចជាការចិញ្ចឹមតាមចំណូលចិត្តផងដែរ ព្រោះតែលទ្ធភាពរកចំណី (ការស៊ីស្មៅ) ដោយខ្លួនឯងបានយ៉ាងល្អ។ ដោយសារតែរូបរាងតូចជាងគេ បរិមាណផ្ដល់សាច់សរុបមានកម្រិតទាប។ យោងតាមហេតុផលនេះ ក្ងានឆែកមិនអាចប្រជែងជាមួយប្រភេទក្ងានកូនកាត់ដែលមានមាឌធំនោះទេ។ គុណសម្បត្តិរបស់វាគឺទិន្នផលពីការអភិឃាតមានបរិមាណច្រើន ហើយសាច់វាមាន តម្លៃខ្ពស់ឃាង ស្ដើងជាង និងរសជាតិឆ្ងាញ់ជាង។
ដោយសារតម្រូវការអាហារចិញ្ចឹមបរិមាណទាប ការចិញ្ចឹមលក្ខណៈគ្រួសារតូចៗនូវសត្វប្រភេទនេះផ្ដល់ចំណូលសម្រាប់ខ្ពស់ជាង ការចិញ្ចឹមក្ងានធំៗ ឬក្ងានកូនកាត់។
សត្វ ក្ងានឆែក ធ្លាប់បានរីកដុះដាលនៅតាមតំបន់ជនបទប្រទេសឆែក។ ជាពិសេសក្នុងតំបន់ភាគខាងត្បូងនិងខាងលិចតំបន់បូហិមា (Bohemia) ពូជក្ងាននេះជាប្រភពចំណូលដ៏សំខាន់សម្រាប់កសិករខ្នាតតូច។ រហូតមកដល់ពាក់កណ្ដាលសតវត្សទី19 ក្នុងមួយឆ្នាំៗ សត្វក្ងានចំនួន 50.000 ក្បាលត្រូវបាននាំចេញទៅកាន់រដ្ឋបាវ៉ារៀ(Bavaria) ប្រទេសអាល្លឺម៉ង់ ស្លាបសត្វក្ងានប្រមាណជាង1.000 តោនត្រូវនាំចេញទៅកាន់ប្រទេស អាល្លឺម៉ង់ បារាំង ស្វីស និងហុឡង់ដ៍ ហើយស៊ុតក្ងានប្រមាណ 100តោនបាននាំចេញទៅកាន់បណ្ដាប្រទេស អាល្លឺម៉ង់ បែលហ្សិក និងអង់គ្លេសផងដែរ។
ពិពណ៌នាពីពូជ
ក្ងានឆែក
ទម្ងន់
ក្ងានឈ្មោល 5,5-6,6 kg
ក្ងានញី 3,5-5,6 kg
ទិន្នផលស៊ុត 10-20 ស៊ុត
ទម្ងន់ស៊ុត 120 g
ពណ៌ស៊ុត ស
ការប្រើប្រាស់ សាច់, ស្លាប, (ស៊ុត)
ទំហំវណ្ឌ
ក្ងានឈ្មោល 24 mm
ក្ងានញី 24 mm
Copyright © ក្ងានឆែក, 2006-2024. All rights reserved. កែរប្រែចុងក្រោយ 08. សីហា 2024